Premyer Liqanın 29-cu turu çərçivəsində səfərdə “Rəvan”ın qonağı olacaq “Sumqayıt” bu matça ciddi itkilərlə çıxacaq.
İdmanxeber.com-a klubun mətbuat xidmətindən verilən məlumata görə, baş məşqçi Aqil Məmmədov “Rəvan”la “ölüm-qalım” matçında son turda sarı vərəqə alaraq cəzalı duruma düşən Bəxtiyar Həsənəlizadə və bir müddətdir ki, zədəli olan Pərdiz Fərcad Azadın xidmətindən məhrum olacaq. Milliləşdirilən forvardın ən yaxşı halda 30-cu turda meydana çıxma ehtimalı var.