“Qəbələ” – “Neftçi” matçının ikinci yarısında birincilərin baş məşqçisi Yuri Syomin cərimə zərbəsi başlayan komandasının üzvlərinə, konkret olaraq Subotiç, Ebesilio, İzmaylova əsəbləşib.
İdmanxeber.com-un məlumatına görə, rusiyalı mütəxəssis cərimə zərbəsini bir başa qapıya endirməyə hazırlaşan futbolçularına öncə uzaqdan səsləndi, lakin onun bu harayını eşitməyən oyunçulara istəyini çatdırmaq istəyən çalışdırıcı onların ayağına belə getdi. Bunun da nəticəsi olmayınca rusiyalı İbrahime Niasse vasitəsi ilə nəhayət ki, qapı üzərinə asma etmələrini çatdıra bildi.
