"Makkabi" ilə biabırçı oyundan sonra "Xəzər Lənkəran"dan ayrılan Adrian Pit hazırda vətəni Rumıniyadadır. Son günlər Con Toşakın istefaya gedəcəyi və onun yerinə Mirça Rednikin gətiriləcəyi ilə bağlı yayılan söhbətlərdən sonra Pitlə yenidən əlaqə saxlamağı lazım bildik.
Rumın futbolçu yenidən Lənkərana qayıtmaq istəyini ortaya qoyub: "Gedişimi haqsızlıq sayıram. Mənim heç kiminlə problemim yox idi. Rəhbərliklə, futbolçularla, azarkeşlərlə hər şey əla idi. Tək problemim Toşakla bağlı idi. Onun gedişinin nə dərəcədə real olduğunu deyə bilmərəm. Əgər bu, baş tutarsa və təbii ki, "Xəzər Lənkəran" rəhbərliyi də məsləhət bilərsə, məmnuniyyətlə yenidən bu kluba qayıdaram". (sportinfo)