“UEFA belə bir meydanda necə oyun sala bilər axı?” – şotlandlar narazıdı

Tofiq Bəhramov adına Respublika Stadionunun ot örtüyü “Aberdin” tərəfinin tənqid hədəfinə çevrilib.

İdmanxeber.az-ın məlumatına görə, Şotlandiya klubunun idarə heyətinin sədri Deyv Kormak Konfrans Liqasının pley-off mərhələsində “Qarabağ”la Bakıdakı görüşün keçiriləcəyi stadionunun ot örtüyünü tənqid edib:

“UEFA belə bir meydanda necə oyun sala bilər axı? Bakıda gözəl stadion var və bunu hava limanından gələrkən gördük. Bəlkə də biz cavab matçını həvəskar komandaya məxsus “İnverdi”də keçirməliyik!”