UEFA İntizam Komitəsi “Braqa” ilə matçda qırmızı vərəqə alan “Qarabağ”ın futbolçusu Elvin Cəfərquliyev və məşqçisi Elçin Rəhmanovla bağlı qərarını açıqlayıb.
İdmanxeber.az-ın məlumatına görə, həm futbolçuya, həm də məşqçiyə 1 oyunluq cəza verilib.
Komandanın hər iki üzvü Avropa Liqasının 1/8 finalında “Bayer”ə (Almaniya) qarşı Tofiq Bəhramov adına Respublika stadionunda keçiriləcək qarşılaşmanı tribunadan izləyəcək.
“Qarabağ” – “Bayer 04” görüşü martın 7-də, saat 21:45-də başlayacaq.