Azərbaycan milli komandasının sabiq futbolçusu Vaqif Cavadovun yeni klubu müəyyənləşib.
İdmanxeber.com-un məlumatına görə, 8 aylıq fasilədən sonra özünə komanda tapan 28 yaşlı hücumçu “Keşlə”yə keçib.
Tərəflər müqavilə şərtlərini artıq razılaşdırıblar. Vaqiflə cari mövsümün sonunadək müqavilə imzalanacaq.
Xatırladaq ki, son klubu ötən çempionatda I Diviziona düşən AZAL olan Cavadov “Keşlə” “İnter” adlananda onun şərəfini qoruyub. Hücumçu bu klubun heyətində kapitan olmaqla yanaşı, çempionatda 33 oyunda 14 qol vurub. sport24.az