İdman

Voleybol Federasiyasında seminar

Azərbaycan Voleybol Federasiyasının (AVF) Regional İnkişaf Mərkəzi və Təhsil Nazirliyinin birgə təşkilatçılığı ilə 8-10 yaşlı uşaqlar arasında voleybol idman növünün inkişaf etdirilməsi məqsədi ilə məşqçi-müəllimlər üçün seminarlar davam edir.

İdmanxeber.az xəbər verir ki, fevralın 5-də start götürən seminar Bakı və Şəki şəhərlərindən sonra Yevlax rayonunda təşkil olunub. Aprelin 2-də burada keçirilən dərslərdə Yevlax, Ağdaş, Tərtər, Bərdə, Göyçay, Ağcabədi rayonlarından ümumilikdə 19 orta məktəb müəllimi iştirak edib.

AVF-nin Regional İnkişaf Mərkəzinin rəhbəri Nərgiz İsmayılova, 4 nömrəli Olimpiya Ehtiyatları məktəbinin dərs hissə müdiri Çingiz Səmədov iştirakçılara uğurlar arzulayıblar.

Daha sonra məşqçi-seleksioner Tatyana Korjova uşaqların voleybola cəlb olunması və azyaşlıların ilkin məşq prosesi haqqında məlumat verib.

Sonda iştirakçı məşqçi-müəllimlərə sertifikatlar və toplar təqdim edilib.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qəbələ” qələbə qazana bilmədi

admin

“Qarabağ” öndə olduğu matçı belə uduzdu – VİDEO

admin

“Səbail” Ukrayna klubu ilə heç-heçə etdi – VİDEO

admin