“Xəzər Lənkəran”ın yeni transferi Vüqar Nadirovun İdmanxeber.com-a müshaibəsi.
– İlk olaraq komandanın hazırlığı ilə bağlı fikirlərini öyrənərdim.
Hazırlıq yüksək səviyyədə gedir. Daha çox fiziki hazırlığa üstünlük veririk. Artıq hər iki gündən bir oyunlarımız gəlir.
– Artıq komanda ilk yoxlama matçını keçirib və qalib gəlib. Komandanın və öz oyunundan nə dərəcədə razısan?
Şükür ki, hər şey normaldı. İlk oyun idi. Gündən-günə öz oyunumuzu tağacağıq. Əsas odur ki, burdakı cavanlar böyük-kiçik sayırlar. Mənim ən xoşuma gələn məqamlardan biridi. Əsas odur ki, bizim kollektivimiz günü-gündən daha da yaxşılığa doğru gedir.
– Səncə, bu “Xəzər Lənkəran” çempionatda hansı yerlərə ümid edə bilər?
Onu öncədən deməyim. İnşAllah yaxşı yerlər uğrunda oynayacağıq. Əsas birliyimiz olsun, qalan şeylər özü gələcək.
– Artıq yeni komandanda ilk matça da çıxdın. Komandaya uyğunlaşmaqla bağlı problemin yoxdu?
Hər şey yaxşıdı. Bundan sonra daha da yaxşı olacaq.
– Sabiq komandna “Qarabağ” 2 gün sonra Çempionlar Liqasında ilk matçına çıxacaq. Bu oyunla bağlı nə deyərdin?
“Qarabağ”a uğur diləyirəm. Yaxşı oynayaraq nəticə qazanıb ağdamlı azarkeşləri sevindirmələrini istəyirəm.