Avropa Liqasında “Qarabağ”la eyni qrupda yer alan “İnter” klubunun vitse-prezidenti Xavyer Zanetti mübarizə aparacaqları qrupudakı rəqibləri barədə danışıb.
İdmanxeber.com-un məlumatına görə, Xavyer Zanetti Monakodakı püşkatmadan sonra bu sözləri deyib:
“Avropa səviyyəsindəki bütün oyunlar çətindi. Məsafə baxımından çətin qrupa düşmüşük. Amma biz hər yarışda güclü olduğumuzu sübut etməliyik. “Sent-Etyen” böyük tarixi olan komandadı. Ukraynaya getmək barədə isə bəzi həssas məsələlər var. Əsas odu ki, yaxşı bağlanğıc edək. Hədəfimiz bütün yarışlarda lider olmaqdı. Biz bu turnirdə mümkün qədər irəliləmək istəyirik. Valter Matsari yeni oyunçular vasitəsilə güclü heyət qurur. Baş məşqçimiz oyunçularla yaxşı işləyir və öz ideyasını tətbiq edir”.