28 Fevral 2024
Kateqoriyasız

“Xəzər Lənkəran” hazırlıqlara Bakıda başlayacaq

Premyer Liqanın X turunda səfərdə “Sumqayıt”ı 2:1 hesabı ilə məğlub edən “Xəzər Lənkəran” bu gün oyunsonrası bərpa məşqini keçəcək.

Komanda bu gün köhnə “Neftçi baza”da saat 11:00-da məşqə çıxacaq. “Sumqayıt”la oyunda iştirak edən futbolçular qaçışla və yüngül fiziki hərəkətlərlə kifayətlənəcəklər. Həmin oyuna sonradan, əvəzetmə ilə qoşulan, görüş zamanı ehtiyat skamyada yer alan və matçın protoklunda 18-liyə adları daxil olmayan futbolçular isə hazırlıqda tam olaraq iştirak edəcəklər. Məşqin ardından günün ikinci yarısında “Emerald” otelinə dönüb istirahətə çəkiləcək komanda sabah Bakını tərk edərək doğma şəhərə yollanacaq. Lənkərana çatdıqdan sonra özünün baza-oetlində məskunlaşacaq cənub təmsilçisi qarşıdakı iki gün ərzində  stadionun əsas və yardımçı meydançalarında hazırlaşacaq. Qeyd edək ki, oktyabrın 31-də fiziki hərəkətlərlə zəngin, toplu-topsuz çalışmalardan ibarət hazırlıq, noyabrın 1-də isə taktiki planda oyunöncəsi son məşq olacaq.

Xatırladaq ki, “Xəzər Lənkəran” Premyer Liqanın XI turu çərçivəsində, noyabrın 2-də “Fırtınalar meydanı”nda  “Simurq” klubunu qəbul edəcək.

12cioyuncu.info


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43