Yay təlim-məşq toplanışını Türkiyədə davam etdirən “Xəzər Lənkəran” bu gün dostluq matçı keçirib.
İdmanxeber.com-un klubun rəsmi saytına istinadən məlumatına görə, “ağ-yaşıllar” bu günə planlaşdırılmış yoxlama oyununu dostluq matçı ilə əvəz edib.
“Xəzər Lənkəran” Bakı vaxtı ilə saat 20.00-da Türkiyə həvəskarlar liqində mübarizə aparan “Antalya Kundu Spor” klubu ilə məskunlaşdığı otelin futbol meydanında qarşılaşıb. Oyun Lənkəran klubunun 8:1 hesablı qələbəsi ilə başa çatıb.
Qeyd edək ki, “Xəzər Lənkəran” bundan əvvəl yoxlama oyununda “Kasımpaşa”ya 0:2 hesabı ilə uduzub, “Niğdespor”a qalib (1:0) gəlib.
18 iyul
20:00. “Xəzər Lənkəran” – “Antalya Kundu Spor” – 8:1
Qollar: Mehmet Meke, 1 (0:1), Rahid Əmirquliyev, 3 (1:1) Vüqar Nadirov, 20 (2:1), Vaqif Cavdov, 23 (3:1), Rəşad Eyyubov, 48-pen (4:1), Ruslan Abışov, 58 (5:1), Rəşad Eyyubov, 62 (6:1),Elnur Cəfərov, 73 (7:1), Kazım Kazımlı, 78 (8:1)