“Xəzər Lənkəran” ikinci dövrəyə 12 futbolçu ilə başlamayacaq. Əvəzedici heyətdə futbolçular var ki, adları əsas komandaya salınmayıb”.
Bu sözləri İdmanxeber.com-a açıqlamasında “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.
Cənub klubunun rəsmisi daha iki futbolçunun da komandaya qoşulacağını bildirib:
“İlk dövrə “Rəvan”da çıxış etmiş iki futbolçu – hücumçu Tural Qürbətov və Vüqar Bəybalayev də komandaya qoşulacaq”.
Qeyd edək ki, Lənkəran klubu qış fasiləsində Asif Mirili, Orxan Səfiyaroğlu, Nodar Məmmədov, Ruslan Cəfərov və Vaqif Güləliyevi transfer edib.