Bu gün Premyer Liqanın VII turu çərçivəsində “Xəzər Lənkəran” səfərdə AZAL-ın qonağı olacaq.
“Bakı” üzərində qazanılan qələbədən sonra Cənub klubunda motivasiya yüksək səviyyədədir.
“Ağ-yaşıllar”ın futbolçusu Rasim Ramaldanov idmanxeber.com-a açıqlamasında AZAL-la oyunda yalnız qələbə haqda düşündüklərini, ancaq 3 xal qazana bilməyəcəkləri təqdirdə bunu faciəyə çevirmək lazım olmadığını bildirib:
“Bakı” qələbəsindən sonra AZAL-la oyunda da 3 xalı hədəfləyirik. Bu oyunda qələbə qazana bilməsək belə bunu şişirtmək lazım deyil. Çünki hələ oyunlar qabağdadı. Cəmi 6 tur geridə qalıb. Toşak da bizə bu matç öncəsi xüsusi tapşırıqlar verib. Qələbə qazanmaq üçün əlimizdən gələni edəcəyik”.