İspaniyanın Torredembarra şəhərində təşkil olunmuş çimərlik futbolu üzrə Avropa Superfinalında Azərbaycan milli komandası bu gün Bolqarıstan yığması ilə qarşılaşıb.
İdmanxeber.com-un məlumatına görə, millimiz 7:2 hesabı ilə qələbə qazanıb. Comərd Baxəliyevin het-trik, Zeynal Zeynalovun dubl etdiyi oyunda hərəyə bir dəfə Orxan Məmmədov və Asif Zeynalov fərqlənib.
Xatırladaq ki, komandamız ilk oyununda Çexiyanı 6:2 hesabıyla məğlub etmiş, ardından Polşaya 1:6 hesabıyla uduzmuşdu.
Bu nəticədən sonra yığmamız qrupunda ikinci olub. Azərbaycan üçüncü yer uğrunda oyunda iştirak edəcək.