Misli Premyer Liqasının 13-cü turunda “Araz-Naxçıvan” “Sumqayıt”la qarşılaşıb.
İdmanxeber.az xəbər verir ki, Naxçıvan təmsilçisinin baş məşqçisi Elmar Baxşıyev 1:0 hesablı qələbəni şərh edib. O, komandasının qələbəsi haqda bunları deyib:
“10 gün ərzində üçüncü oyunumuz idi. Oyundan öncə də bilirdik ki, çətinlik yaşaya bilərik. Ağır oyun alındı. Düşünürəm ki, komandam xarakter göstərdi. Yolumuza davam edirik. Komandamı təbrik edirəm. Optimal heyət olduqdan sonra daha da rəngarəng oyun nümayiş etdirəcəyik”.