Dünya futbolu

Yunisoğlu oynadı, komandası məğlub oldu

Həmyerlilərimiz Arif İsayev və Saşa Yunisoğlunun formasını geyindiyi “Dənizlispor” bu gün PTT Birinci Liqasında növbəti oyununa çıxıb.

Dənizli təmsilçisi doğma meydanda “Manisaspor”u qəbul edib. Oyun qonaq komandanın 1:0 hesablı qələbəsi ilə başa çatıb.

Zədəli olan Arif İsayev bu oyunda çıxış etməsə də, Saşa Yunisoğlu start heyətində meydana çıxıb və sona qədər oynayıb. Yunisoğlu matçın 89-cu dəqiqəsində sarı vərəqə ilə cəzalandırılıb.

Qeyd edək ki, “Dənizlispor” hazırda 11 xalla turnir cədvəlinin 16-cı pilləsində yer alır.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43