UEFA Çempionlar Liqasının II təsnifat mərhələsinin cavab oyunu çərçivəsində keçirilən “Qarabağ” – “Valletta” matçını (4:0) stadiondan izləyən Avstriyanın “Zalsburq” klubunun baş məşqçisi Adi Hütter III mərhələdə qarşılaşacaqları Ağdam təmsilçisi haqda fikirlərini bildirib.
İdmanxeber.com-un məlumatına görə, 43 yaşlı mütəxəssis bunları deyib:
“Qarabağ” xüsusilə legionerlərin timsalında çox güclü komandadı. Üstəlik bizi Bakıda çox fanatik və istiqanlı azarkeşlər gözləyir. Buna görə də hər iki oyuna ciddi köklənməliyik”.
İyulun 30-da Bakıda keçiriləcək “Qarabağ” – “Zalsburq” oyunu saat 20:30-da başlayacaq.