“Real”ın sabiq baş məşqçisi Zinəddin Zidan yaxın vaxtlarda məşqçiliyə qayıtmaq niyyətində deyil.
İdmanxeber.az-ın “Marca”ya istinadən verdiyi məlumata görə, 2021-ci ildə “kral klubu”ndan ayrıldıqdan sonra fransalı bir neçə aparıcı Avropa komandalarından təklif alsa da, hamısını rədd edilib. 52 yaşlı mütəxəssis yalnız “Real” və ya Fransa millisi ilə işləməyə hazırdır.
Qəzet yazır ki, Zidan özü üçün uyğun variant axtarır. Hələlik o, belə təklif almayıb.
Zidan İspaniya komandasına 2016-2021-ci illərdə (fasilə ilə) rəhbərlik edib. Onun rəhbərliyi altında Madrid klubu ardıcıl 3 dəfə Çempionlar Liqasının qalibi və iki dəfə İspaniya çempionu olub.