“Zirə”nin hücumçusu Davit Volkov Gürcüstan millisində növbəti matçına çıxıb.
İdmanxeber.az-ın məlumatına görə, o, bu gün Özbəkistan yığmasına qarşı keçirilən yoxlama görüşünün iştirakçısı olub.
26 yaşlı futbolçu Qoridə keçirilən görüşə start heyətdə başlayıb və 71-ci dəqiqədə əvəzlənib. Yığmada 2-ci oyununu keçirən forvard bu görüşün 41-ci dəqiqəsində rəqib qapısına yol tapıb. Bununla da o, ölkəsinin millisində qol hesabını açıb. Gürcüstan yığması bu görüşdən elə Volkovun vurduğu qol sayəsində 1:0 hesablı qələbə ilə ayrılıb.