Avropa Liqası I təsnifat mərhələsi cavab qarşılaşması çərçivəsində keçiriləcək “Zirə” – “Şerif” matçına bilet satışları davam edir.
İdmanxeber.az-a verilən məlumata görə, sözügedən qarşılaşmaya artıq 3500 bilet satılıb. Hazırda da satışların davam etdiyi bildirilir.
Qeyd edək ki, matç iyulun 18-də “Dalğa Arena”da keçiriləcək və saat 20:00-da başlayacaq. Bu komandalar arasında ilk görüşdə təmsilçimiz 1:0 hesablı qələbə qazanıb.
“Zirə” “Şerif”i üstələsə, 2-ci mərhələdə “Elfsborq” (İsveç) – “Pafos” (Kipr) cütünün qalibi ilə qarşılaşacaq. “Qartallar” mərhələ adlasa, 2-ci təsnifatda birinci oyunu Bakıda keçirəcək.