Bu gün UEFA Konfrans Liqasında III təsnifat mərhələsi çərçivəsində təmsilçilərimiz “Zirə” və “Sabah” cavab oyunlarına çıxacaq.
İdmanxeber.az-ın məlumatına görə, “qartallar” Xorvatiyanın “Osiyek”, “bayquşlar” isə İrlandiyanın “Sent Patriks Atletik” klublarıni qonaq edəcək. Bakıda keçiriləcək hər iki qarşılaşma canlı yayımlanacaq.
Mərdəkanda keçiriləcək “Zirə” – “Osiyek” görüşünü 20:30-dan etibarən CBC Sport, Masazırda baş tutacaq “Sabah” – “Sent Patriks Atletik” matçını isə (saat 20:00) İctimai TV canlı yayımlayacaq.
Qeyd edək ki, “Zirə” səfərdə rəqibi ilə heç-heçə etmişdisə, “Sabah” İrlandiyada minimalhesabla məğlub olmuşdu.