Kateqoriyasız

“Zirə”də ciddi itki: 4 ay oynamayacaq

“Zirə”nin Azərbaycan Premyer Liqasının 13-cü turunda “Qəbələ” ilə oyunda zədələnən futbolçusu Nemanya Ancelkoviçin durumuna aydınlıq gəlib.

İdmanxeber.az xəbər verir ki, bu barədə klubun rəsmi saytı məlumat yayıb. 24 yaşlı müdafiəçinin sağ ayağının tibia sümüyündə qırıq aşkarlanıb. Serbiyalı oyunçu gələn il ölkəsində əməliyyat olunacaq. Onun 4 ay sonra komanda ilə birlikdə məşqlərə başlayacağı ehtimal olunur.

Qeyd edək ki, sözügedən qarşılaşma “Zirə”nin 1:2 hesablı məğlubiyyəti ilə yekunlaşıb.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43