Azərbaycan milli komandasının “Avro-2016″nın seçmə mərhələsindəki oyunları ilə əlaqədar Premyer Liqada yaranan fasilədə hazırlığını davam etdirən “Zirə” yoxlama görüşündə qüvvəsini sınayıb.
İdmanxeber.com-un klubun rəsmi saytına istinadən verdiyi məlumata görə, Adil Şükürovun komandası “Ağsu” ilə qarşılaşıb.
Oyun “Zirə”nin 3:1 hesablı qələbəsi ilə başa çatıb. Paytaxt təmsilçisinin qollarına İqor İvanoviç, Nurlan Novruzov və Vüsal İsgəndərli imza atıb.
Qeyd edək ki, “Zirə” sentyabrın 5-də daha bir yoxlama oyunu keçirəcək.