“Barselona”nın və Türkiyə millisinin futbolçusu Arda Turanın “İnstagram” hesabında paylaşdığı status ölkədə söz-söhbətə səbəb olub.
İdmanxeber.com-un məlumatına görə, ulduz futbolçu türk ədəbiyyatının əfsanələrindən sayılan Kemal Tahirə məxsus sözlər yazılmış fotonu paylaşıb və şərh olaraq “biz bunu yaşayarkən unutmayaq” yazıb.
Şəklin üzərində isə bunlar qeyd edilib: “Fahişənin dişisi, erkəyi olmaz. Fahişəlik adətdi. Söz verib tutmamaq, borcunu inkar etmək, birini satmaq, arxadan adam vurmaq, özündən zəifi əzmək, hətta qorxmaq belə yerinə görə fahişəlikdi”.
Ardanın bu status kimə ünvanladığı bilinmir. Ulduz futbolçu ilə Türkiyə millisinin baş məşqçisi Fatih Terim arasında gərginlik olduğu üçün bu paylaşımın 63 yaşlı mütəxəssisə ünvanlandığı ehtimal edilir.
Qeyd edək ki, Arda Turan AÇ-2016-dan sonra Türkiyə yığmasına çağırılmır