Azərbaycan Kuboku uğrunda yarışların 2017/2018-ci illər mövsümündə 1/16 final mərhələsinin oyunları keçirilib.
İdmanxeber.com-un məlumatına görə, mərhələdə baş tutan iki oyundan biri paytaxtda, digəri bölgədə reallaşıb.
“Ağsu” qonaq etdiyi “Mil-Muğan”la görüşdə məğlubiyyətə üzülüb. 1-0 hesabı ilə qalib gələn qonaqlar 1/8 final mərhələsində “Qəbələ”yə rəqib olublar.
MOİK isə “Turan Tovuz”dan güclü olub. Belə ki, Ramil Əliyevin rəhbərlik etdiyi komanda “Turan Tovuz” klubunu 2-1 hesabı ilə üstələyərək, növbəti mərhələyə vəsiqə qazanıb. 1/8 finalda ordu klubunun rəqibi “İnter” olacaq.
Azərbaycan Kuboku
1/16 final
11 oktyabr
“Ağsu” – “Mil-Muğan” – 0:1
Qol: Vasif Mehrəliyev, 60
Hakimlər: Rəvan Həmzəzadə, Mübariz Haşımov, Nahid Əliyev, Ramiz Məhərrəmov
Ağsu şəhər stadionu
MOİK – “Turan Tovuz” – 2:1
Qollar: İsmayıl İbrahimli, 13 (1:0), Elnur Səmədov, 40 (1:1), Qərib İbrahimov, 87 (2:1)
Hakimlər: Orxan Məmmədov, Azər Əsgərov, İsgəndər Əliyev, Alik Yunusov
“Bakı” FK-nın təlim-məşq bazasının stadionu
1/8 finalda qarşılaşacaq cütlüklər
29 noyabr
“Qəbələ” – “Mil Muğan”
“Şüvəlan” – “Səbail”
“Zirə” – “Xəzər”
“Neftçi” – “Zaqatala”
MOİK – “İnter”
“Kəpəz” – “Binə”
“Qarabağ” – “Qaradağ Lökbatan”
“Sumqayıt” – “Sabah”