“Avropa Oyunları zamanı toy və yas mərasimlərinə heç bir qadağa qoyulmayacaq”.
İdmanxeber.com-un “Report” agentliyinə istinadən yaydığı məlumata görə, bu barədə jurnalistlərə “Bakı-2015” Avropa Oyunları Əməliyyat Komitəsinin baş icraçı direktoru, gənclər və idman naziri Azad Rəhimov açıqlama verib.
Nazir bildirib ki, I Avropa Oyunları müddətində Bakıda xeyir-şər tədbirlərinin qarşısı alınmayacaq: “Kim istəsə, toy edə, Allah eləməsin, kiminsə ölüsü olsa, çadır qura bilər”.
Qeyd edək ki, “Bakı-2015” I Avropa Oyunları 12 – 28 iyunda keçiriləcək.