Premyer Liqanın 29-cu turu çərçivəsində Lənkəranda “Xəzər Lənkəran”ın qonağı olacaq “Neftçi” “Böyük oyun”a ciddi itkilərlə çıxacaq.
İdmanxeber.com-un məlumatına görə, paytaxt klubunda zədəli Deniz Silva, Ernest Nfor və Məqsəd İsayevlə yanaşı, “su çiçəyi”nə tutulan Rauf Əliyev də səfər matçına aparılmayacaq. Bundan əlavə “ağ-qaralar” “Fırtınalar meydanı”nda Karlos Kardozosuz da mübarizə aparmalı olacaq. Braziliyalı futbolçu “Simurq”la səfər matçında aldığı qırmızı vərəqəyə görə prinsipial matçı buraxmalı olacaq.
Qeyd edək ki, “Xəzər Lənkəran” – “Neftçi” oyunu aprelin 9-da keçiriləcək.