Şimali İrlandiya millisinin futbolçusu Oliver Norvud DÇ 2014-ün seçmə mərhələsi çərçivəsində Azərbaycan və İsrailə qarşı keçirəcəkləri oyun barədə danışıb.
O, bunları dilə gətirib.
“Lüksemburqa yenilgiyə görə üzülməliyik. Qarşıdakı Azərbaycan və İsraillə görüşlərdən 6 xal götürsək, Lüksemburqdakı məğlubiyyəti unutdurmuş sayılarıq. Qələbə qazanmayanda, adama pis təsir edir. Çətin olacaq! Ancaq biz hər 2 matçda qələbə qazanacağımıza və xal itirməyəcəyimizə inanmalıyıq. Baş məşqçimiz Maykl O’Nil indi müəyyən oyun tərzinə güvənir. Biz Rusiyaya qalib gəlmişik. Meydanda 9 nəfər qalmasaydıq, Portuqaliyanı da yenə bilərdik. Həmin oyunlarda belə komandalarla rəqabət aparacaq səviyyədə olduğumuzu sübut etdik”.
Oliver Bakıdakı oyunda start heyətində yer alacağına ümidlidi: “Çalışdırıcı önəmli matçlarda oynatmaqla mənə bəslədiyi inamı ortaya qoyub. Ümid edirəm ki, onun Azərbaycan və İsraillə oyunlarla bağlı planlarının tərkib hissəsiyəm”.