Azərbaycan millisinin DÇ-2018-in seçmə qrup mərhələsi çərçivəsində Çexiya ilə səfər görüşünün bilet qiymətləri açıqlanıb.
İdmanxeber.com-un apa-ya istinadən məlumatına görə, oktyabrın 11-dəki qarşılaşma üçün qiymətlər 3 kateqoriya üzrə müəyyənləşib.
Əvvəlcə oktyabrın 8-də Hamburqda Almaniya millisinin qonağı olacaq çexlər azarkeşlərinə bu görüşü canlı izləməyin yolunu göstəriblər. Həmin matçın biletləri 700 krona (təxminən 48 manata) satılacaq. Almaniyaya gediş-gəliş və bilet xərci isə ümumilikdə 2990 kron (205 manat) təşkil edir.
Bundan 3 gün sonra Ostravadakı görüşü izləmək istəyənlər isə 200 (14), 400 (28) və ya 600 kronlarından (42 manat) keçməli olacaqlar. Azərbaycanla matçın biletləri sentyabrın 19-dan satışa çıxarılacaq.
Qeyd edək ki, Çexiya – Azərbaycan qarşılaşması 15 min tamaşaçı tutumuna malik “Munisipial” stadionunda oynanılacaq.