Monqolustanın paytaxtı Ulan-Batorda cüdo üzrə keçirilən Qran-Pridə bu gün Azərbaycan daha bir uğur qazanıb.
İdmanxeber.com-un məlumatına görə, 73 kq çəkidə çıxış edən Fəqan Quluzadə bürünc mükafatın sahibi olub.
O, həlledici görüşdə digər azərbaycanlı cüdoçu Telman Vəliyevlə qarşılaşıb və qalib gəlib. 81 kq-da isə Afiq Səfərli üçüncülük uğrunda görüşdə koreyalı Yunq Von Yuna uduzub.
Qeyd edək ki, ilk yarış günündə 60 kq çəkidə çıxış edən Davud Məmmədsoy bürünc medal qazanıb.