1998-ci ildə Fransada keçirilən futbol üzrə dünya çempionatının qalibi Kristian Karambö Bakıya gəlib.
İdmanxeber.com-un “Report” agentliyinə istinadən yaydığı xəbərə görə, o, “Bakı-2015” I Avropa Oyunlarında keçiriləcək çimərlik futbolu üzrə yarışların püşkatmasında iştirak edib.
Püşkatma mərasimi “Fairmont” hotelində baş tutub.
Qeyd edək ki, Kristian Karambö 1998-ci ildə Fransanın heyətində dünya birincisi adını qazanıb. O, hazırda Fransada televiziyaların birində şərhçi olaraq fəaliyyət göstərir.