“Komandamız meydanda bucür oyun göstərirsə deməli heç bir problem yoxdu. Olanda o özünü göstərəcək”
Bu sözləri “Qəbələ” – “Qarabağ”(1:1) matçından sonra əyalət klubunun vitse- prezidenti Fariz Nəcəfov idmanxeber.com-a açıqlamasında deyib. Nəcəfov Azərbaycan kubukonun final oyununun Qəbələdə keçirilməsi barədə də danışıb:
“Bazamız bu görüşü keçirməyə tam hazırdır. Bugün də PFL-in prezidenti Ramin Musayevlə nəzərdən keçirdik. Deməzdim hər şey yüksək səviyyədədir ancaq oyunun keçirilməsi üçün hər bir şərait var.”
Nəcəfov penalti epizoduna da münasibətini bildirib:
“Mən təkrar baxdım. Baxdığım epizoda görə hakim haqlı idi amma mən o sahə üzrə mütəxəssis deyiləm. İstəyirəm ki, hər şey obyektiv olsun. Komandamız bu xala layiq idi.”
Vitse-prezident klubun baş məşqçindən də danışıb:
“Bugünkü nəticələrə baxsaq Qriqorçuk “Qəbələ”nin axtardığı baş məşqçidir. Mən yaydan bu məşqçini gətirmək istəyirdim. Həm məşqçi kimi, həm insan kimi çox yaxşıdır. Bu adam futbolla yaşayır, inanıram ki, nəticə olacaq.”