“Barselona”nın baş məşqçisi Xavi Lionel Messinin Kataloniya komandasına mümkün qayıdışı haqda danışıb.
İdmanxeber.az-ın məlumatına görə, ispaniyalı mütəxəssis argentinalının geri dönəcəyi barədə çıxan iddialara belə cavab verib:
“Azarkeşlərimiz demək olar ki, hər matçda Messinin adını çəkməyə başlayıblar. Mən bu hissi sevirəm, amma mənə inanın, Lionelin qayıdışı 99% ondan asılıdır”.
Daha əvvəl Messinin hələ də “Barselona”dan təklif almadığı bildirilirdi.
Futbolçunun PSJ ilə hazırkı müqaviləsi gələn ay başa çatır.