İtaliya və Almaniya milli komandaları arasında bu gün keçiriləcək yoxlama matçında videotəkrardan istifadə ediləcək.
İdmanxeber.com-un məlumatına görə, qol, penalti, qırmızı vərəqə kimi mübahisəli epizodlarda videotəkrarın köməyindən istifadə ediləcək .
Belə ki, mübahisəli vəziyyət yarandıqda baş hakimin iki köməkçisi epizodun təkrarına baxaraq qərar verəcək. Qarşılaşmanın baş hakimi isə videotəkrara baxa bilməz.
Qeyd edək ki, Milan şəhərində baş tutacaq İtaliya – Almaniya matçının start fiti Bakı vaxtı ilə 23:45-də səslənəcək.