Bakıda təlim-məşq toplanışında olan 21 yaşadək futbolçulardan ibarət millimiz yoxlama oyununda qüvvəsini sınayıb.
İdmanxeber.com-un məlumatına görə, millimizin rəqibi birinci divizionda son mövsümü 8-ci pillədə başa vurmuş “Şuşa Qarabağ” olub. İsmət Qayıbov adına Bakıxanov qəsəbə stadionunda keçirilmiş matç 5:0 hesabıyla Yaşar Vahabzadənin yetirmələrinin xeyrinə başa çatıb.
Qarşılaşmada millimizin qollarına Kərim Benke (2), Elşən Abdullayev, Azər Salahlı və Məqsəd İsayev imza atıb.
Millimiz iyunun 17-də Avropa çempionatının seçmə mərhələsi çərçivəsində Farer adaları yığmasının qonağı olacaq.