Azərbaycan Premyer Liqasının 34-cü turunda öz meydanında “Kəpəz”i qəbul edəcək “Neftçi” qarşıdakı matça itkilərlə çıxacaq.
İdmanxeber.az-a klubun mətbuat xidmətindən verilən məlumata görə, bərpa prosesi keçən Emil Balayevlə yanaşı, müalicəsini davam etdirən Emin Mahmudov və Alfa Konte, eləcə də ötən turda qırmızı vərəqə alaraq cəzalı duruma düşən Yuri Matias Gəncə klubu ilə matçı buraxmalı olacaq.
Qeyd edək ki, mayın 10-da “Neftçi Arena”da keçiriləcək “Neftçi” – “Kəpəz” oyunu 19:00-da start götürəcək.