Qış hazırlığını Bakıda davam etdirən “Neftçi” bu gün yoxlama görüşü çərçivəsində I Divizion təmsilçisi “Sabah”la qarşılaşıb.
İdmanxeber.com-un məlumatına görə, qarşılaşma 1 qolla əlamətdar olub. Matçda yeganə qolu 73-cü dəqiqədə “Sabah”ın qapısından Emin Mahmudov keçirib. Oyunun son dəqiqəsində “ağ-qaralar”ın heyətində Mirabdulla Abbasovun zərbəsi dirəyə tuş gəlib.
Qeyd edək ki, paytaxt klubu Antalyada keçirdiyi 5 yoxlama oyununun hamısında uduzub.