“Real” Zinəddin Zidanı komandanın baş məşqçisi postuna qaytarmaq variantını nəzərdən keçirir.
İdmanxeber.az-ın məlumatına görə, Madrid rəhbərliyi fransalı mütəxəssisin təyinatının PSJ-nin hücumçusu Kilian Mbappenin transferinə köməklik edəcəyini düşünür.
Oktyabrın 8-də Zidan İspaniya çempionatının 9-cu turunda “Real”ın “Osasuna”ya qarşı oyununda (4:0) iştirak edib.
Mütəxəssis iki dəfə – 2016-2018 və 2019-2021-ci illərdə “kral klubu”na rəhbərlik edib. Onunla birlikdə komanda İspaniya çempionu olub və üç dəfə Çempionlar Liqasının qalibi olub.
Madrid klubu hazırda 24 xalla La Liqanın turnir cədvəlinə başçılıq edir.