“Sabah” Futbol Akademiyasının “Azərlotereya”nın təşkilatçılığı ilə Tərtər rayonunda keçirilən seçimlərinə yekun vurulub.
İdmanxeber.az-ın məlumatına görə, seçimlər Tərtərlə yanaşı, Ağcəbədi, Zaqatala, Ağsu, Naftalan, Bərdə, Yevlax və Goranboy rayonlarını əhatə edib. 2010-2015-ci il təvəllüdlü uşaqların iştirak etdiyi seleksiyaya maraq çox böyük olub.
Belə ki, seçimlərdə 600-dən çox azyaşlı iştirak edib, 22 uşaq seçimlərin növbəti – Bakı mərhələsində iştirak etmək hüququ qazanıb.
