“Azərbaycandan dəvət alsam da, getmədim. Ölkə kubokunu qazandığım komandaya dəvət etdilər, imtina etdim. Klub indi “Keşlə” yox, “Şamaxı” adlanır”.
İdmanxeber.az-ın məlumatına görə, bu sözləri “Şamaxı”nın sabiq baş məşqçisi Yuri Maksimov “TaToTake”ə açıqlamasında deyib. O, daha sonra belə davam edib:
“Gürcüstandan da təklif almışdım, geri çevirdim. Heç kimin səhvlərini düzəltmək istəmirəm, sıfırdan nəyəsə başlamaq niyyətindəyəm”.
Yuri Maksimov 2017/2018 mövsümünün ikinci yarısında “Keşlə”nin baş məşqçisi olub. O, komandaya Azərbaycan Kubokunu qazandırıb.