“Sumqayıt”ın baş məşqçisi Samir Abasov Azərbaycan Premyer Liqasının 4-cü turu çərçivəsində “İnter”ə qarşı keçirdikləri oyunu şərh edib.
İdmanxeber.com-un məlumatına görə, sumqayıtlıların çalışdırıcısı 1:2 hesabıyla bitən qarşılaşmadan sonra bunları söyləyib:
“Bir ay idi ki rəsmi oyuna çıxmamışdıq. Ən çox qorxduğumuz o idi ki, futbolçularımız həyəcanlı olacaq. Qorxduğumuz başımıza gəldi. İlk dəqiqələrdə həyəcanlı görünürdülər. Bəlkə də uzun müddətdi oynamamağmızın fəsadıdır”. (klub saytı)