“Qəbələ”nin futbolçusu Vitali Vernidubun atası Yuri Vernidub oğlu haqda Ukrayna mətbuatına dnaışıb.
İdmanxeber.com-un məlumatına görə, o, oğlunun “Qəbələ”dən ayrılmalı olduğunu deyib:
“O, “Qəbələ”yə keçdiyi üçün peşmandırmı? Özünün dediyinə görə, yox. Ancaq məncə, o, bu transfer üçün peşmandır. Fikrimcə, Vitali qayıtmalıdır. Çünki Vitali daha çox oynamaq istəyir. Hazırkı vəziyyətindən məmnun deyil. Bəlkə də mövsümün sonuna kimi vəziyyət düzələcək. Ola bilsin ki, “Zarya”ya qayıtsın. Mən özüm də ona demişəm, əgər istəyirsənsə, qayıt”.
“Zarya”nın baş məşqçisi yenidən oğlu ilə çalışmaqdan məmnun olacağını deyib:
“Mən anlayırdım ki, 29 yaş çox pul qazanmaq üçün yaxşı vaxtdır. Ona görə də bu addımı atdıq. Bundan başqa, Roman Qriqorçukun klubundan dəvət gəlmişdi. Müqavilənin şərtləri yaxşı idi. Əgər o, istəsə, birlikdə işləməkdən şad olaram”.
Qeyd edək ki, Vernidub ötən ilin iyununda “Zarya”dan “Qəbələ”yə transfer olunub.