Bu gün AFFA İntizam Komitəsinin iclası keçirilib.
İdmanxeber.az PFL-in saytına istinadən xəbər verir ki, iclasda Azərbaycan kubokunun 1/4 final mərhələsinin cavab oyunları ilə bağlı qərarlar verilib.
1/4 final mərhələsinin “Neftçi”– “Zirə” matçında “Neftçi”nin 6 oyunçusu sarı vərəqə ilə cəzalandığı üçün klub 800 manat cərimələnib. Həmin görüşdə “Zirə”nin oyunçuları Təmkin Xəlilzadə və Hacıağa Hacılı ikinci sarı vərəqə alaraq meydandan kənarlaşdırıldıqları üçün klub ümumən 400 manat cərimə olunub.