Növbəti mövsümdən İngiltərə Premyer Liqasında mübarizə aparacaq ikinci klub məlum olub.
Çempionşipin 45-ci turunda “İpsviç”i 2:0 hesabı ilə məğlub edən “Şeffild Yunayted” elitaya vəsiqə qazanıb.
88 xalla ikinci pillədə qərarlaşan “qırmızı ağlar” sona bir tur qalmış Premyer Liqada iştirak hüququnu təmin edib.
“Şeffild Yunayted” son dəfə 12 il əvvəl – 2006/07 mövsümündə Premyer Liqada iştirak edib.
Qeyd edək ki, bundan əvvəl “Norviç” də gələn mövsüm üçün Premyer Liqaya vəsiqə qazanmışdı.