Səudiyyə Ərəbistanı təmsililçisi “Əl Hilal” Lionel Messiyə fantastik bir təklif göndərməyə hazırlaşır.
İdmanxeber.az-ın məlumatına görə, argentinalı futbolçu cari mövsüm Paris klubundan ayrılacaq. Onun müqaviləsi mövsüm sonu başa çatır.
Leonun adı hazırda bir neçə klubla hallanır. Ancaq ərəblərin Messi üçün hazırladığı təklif dünya mətbuatında geniş müzakirəyə səbəb olub.
Belə ki, Kristiano Ronaldolu “Əl Nəsr”in rəqibi “Əl Hilal” klubu argentinalı üçün 3 illik müqavilə və 1 milyard avro dəyərində yeni müqavilə təklif edəcək.
35 yaşlı ulduz oyunçunun gələcək karyerası ilə bağlı qərar vermədiyi, ancaq PSJ-dən ayrılacağının dəqiq olduğu bildirilir.