“Fikrimcə, azarkeşlər maraqlı oyunun şahidi oldular. Səfərdə oynadığımızı nəzərə alsaq, 1 xalı yaxşı nəticə saymaq olar”. Bu sözləri İsraillə oyunla bağlı danışarkən millimizin üzvü Araz Abdullayev deyib.
“Neftçi”nin yarımmüdafiəçisi yığmada rəqabətin güclü olduğunu bildirib: “Milli komandaya mütəmadi dəvət almaq üçün daim yaxşı formada olmalısan. “Neftçi”də olduğu kimi burada da böyük rəqabət var”.
Araz seçmə mərhələdəki növbəti oyunusuzla bağlı da danışıb: “Seçmə mərhələdəki növbəti oyunumuzu evdə Şimali İrlandiyaya qarşı keçirəcəyik. Qələbə qazansaq, turnir cədvəlində 4-cü pilləyə yüksələcəyik. İnanıram ki, bunun öhdəsindən gələcəyik”.