.jpg)
Bu gün Azərbaycan Premyer Liqasında 34-cü tura start veriləcək.
İdmanxeber.com-un məlumatına görə, çempionu həll edə biləcək turun oyunları hamısı bir gündə keçiriləcək.
Tura Qəbələdə start veriləcək. Burada şəhərin eyni adlı komandası "Bakı"nı qonaq edəcək. Yuri Syominin rəhbərlik etdiyi kollektiv bu matçda qalib gəlsə o zaman dördüncü pilləni özlərinə təmin edərək, avrokuboklara getmək məsələsini həll edəcəklər. "Bakı" üçün isə bu son şansdı. Ya "Qəbələ" udulmalı, Avroliqaya vəsiqə şansı davam etməli, ya da…
Turun vacib qarşılaşmalarından biri isə Bayılda keçiriləcək. "Bayıl Arena"da "Rəvan" "Simurq"u qonaq edəcək. Premyer Liqada qalmaq istəyən "Rəvan" bu matçda mütləq qələbə qazanmaqla şanslarını davam etdirməyə çalışacaq.
Çempionluğun taleyini həll edə biləcək qarşılaşma isə Respublika stadionunda baş tutacaq. Turnir cədvəlinin lideri "Qarabağ" ən yaxın izləyicisi "İnter"i qəbul edəcək. Ağdam klubu bu matçda qalib gəlməklə 21 illik çempionluq həsərətinə son qoya bilər. "Bankirlər" isə 3 xal qazanmaqla çempionluq şansını sona kimi davam etdirəcək.
Turun digər matçlarında "Xəzər Lənkəran" "Sumqayıt"ı, AZAL isə "Neftçi"ni qonaq edəcək.
Azərbaycan Premyer Liqası
XXXIV tur
7 may (çərşənbə)
17:00. “Qəbələ” – “Bakı” 3:1
Qollar: Marat İzmayılov, 14, Müşviq Teymurov, 27, Daniel Subotiç, 57, Namiq Ələsgərov, 65
Hakimlər: Rəhim Həsənov, Rza Məmmədov, Akif Əmirəli, Teymur Fərhadov
Əlavə köməkçi hakimlər: İnqilab Məmmədov, Feyzulla Feyzullayev
Qəbələ şəhər stadionu
18:00. “Rəvan” – “Simurq” 1:0
Qol: Varea, 28 (p)
Qırmızı vərəqə: İlkin Qırtımov, 73
Hakimlər: Ömər Paşayev, Munis Abdullayev, İsgəndər Əliyev, Ramil Diniyev
“Bayıl Arena” stadionu
18:00. AZAL – “Neftçi” 0:0
Qımızı vərəqə: Kərim Diniyev, 66, Murad Ağayev, 85
Hakimlər: Fariz Yusifov, Azər Əsgərov, Nahid Əliyev, Fərid Məmmədov
“AZAL Arena” stadionu
18:00. “Xəzər Lənkəran” – “Sumqayıt” 4:1
Qollar: Tounkara, 11, 45, Mbilla, 22, Elias, 56 Məhəmməd Qurbanov, 3
Hakimlər: Vüsal Əliyev, Cavanşir Yusifov, Rahil Ramazanov, Xəlil Hüseynli
“Xəzər Lənkəran” mərkəzi stadionu
19:00. “Qarabağ” – “İnter” 4:1
Qol: Reynaldo, 13, 70, Reynalo, 84, Muarrem Muarrem, 85 Baçana Sxadadze, 74
Hakimlər: Orxan Məmmədov, Vaqif Musayev, Mehman Mahmudov, Ramil Əhmədov
Əlavə köməkçi hakimlər: Rauf Cabbarov, Elvin Əsgərov
Tofiq Bəhramov adına Respublika stadionu