Mayın 22-də “Neftçi”ylə Azərbaycan kubokunun finalında üz-üzə gələcək “Qəbələ” tərəfi artıq azarkeşləri üçün PFL-dən bilet alıb.
İdmanxeber.com-a qurumun mətbuat xidmətindən verilən məlumata görə, ilkin olaraq əyalət klubu 5200 ədə bilet götürüb. Lakin bu sayın qarşıdakı günlərdə də artacağı istisna edilmir.
PFL-dən saytımıza onu da bildirdilər ki, “Neftçi” onlara biletlə bağlı hər hansı bir müraciət etməyib.
Qeyd edək ki, Respublika stadionunda baş tutacaq final matçı saat 20:00-da başlayacaq.