Premyer Liqada 2014/2015 mövsümünə hazırlaşan “Sumqayıt” klubu daha bir futbolçu ilə müqavilə imzalayıb.
İdmanxeber.com-un klubun rəsmi saytına istinadən verdiyi məlumata görə, “Sumqayıt”dakı çıxışı ilə diqqətləri üzərinə çəkən, ardından “Xəzər Lənkəran”a transfer olunan Orxan Əliyev yenidən sabiq komandasının uğurları üçün çalışacaq.
19 yaşlı futbolçu 1 illik icarə əsasında “Sumqayıt”da çıxış edəcək.