Avropa Liqasının pley-off mərhələsində “Qəbələ”nin rəqibi olan “Panatinaikos” yoxlama oyununda qüvvəsini sınayıb.
İdmanxeber.com-un məlumatına görə, “ağ-yaşıllar” La Liqa təmsilçisi “Real Sosyedad”ın qonağı olub.
İlk hissəsi qolsuz başa çatan matçın ikinci yarısında 3 qol vuran San-Sebastyan təmsilçisi “Panatinaikos”u “Qəbələ” ilə oyuna məğlub yollayır.
Qeyd edək ki, “Qəbələ” və “Panatinaikos” arasında ilk matç avqustun 20-də saat 21:00-da “Bakcell Arena” stadionunda baş tutacaq. Cavab qarşılaşması isə bundan bir həftə sonra Afinada keçiriləcək.
Yoxlama oyunu
12 avqust
Real Sosyedad – Panatinaikos 3:0
Qol: Bruma, 83. Serxio Kanales, 88. İmanol Aqirreçe, 89.